Овој Попис е нецелосен и по промената на власта ќе направиме нова статистичка операција која ќе биде реална и ќе биде спроведена по електронски пат, најави претседателот на ВМРО-ДПМНЕ, Христихјан Мицкоски во емисијата „Што не е јасно“ на Алфа ТВ.
„Уште во старт имавме низа забелешки за Пописот, но заклучокот што можеме да го кажеме, покрај фактот дека тој е некомплетен, е дека огромно мнозинство, над 90 отсто, од тие кои што не се изјасниле се дел од македонскиот народ според општините во кои тие се наоѓаат. На прес-конференцијата порачавме дека по промената на власта, ќе имаме вистинска статистичка операција, електронски попис кој ќе даде јасна слика за бројот на резидентно население во Македонија“, порача Мицкоски.
Македонија, според лидерот на ВМРО-ДПМНЕ, бележи пад за над 10 отсто на бројот на резидентно население во споредба со последниот Попис.
„Тоа е поразителен факт за сите политички елити и политичари кои во изминатите 20 години беа на политичката сцена“, истакна Мицкоски.