Комисијата за заразни болести го соопшти причинителот за заразата со опасната бакетрија листерија. Со 98 % сигурност откриено е дека причинителот е во сецкан свински врат од фирмата Екстрамеин од Куманово, кој е најден во малопродажба во Гевгелија.
– Допрва ќе се прават анализи од мостри од површините и масите од фабриката каде што се произведува месото, кое е наредено да биде повлечено од производство и тоа до вечер ќе биде направено, изјави Дејан Рунтевски, директор на Агенцијата за храна.
Иако прозводите се произведени во средина на јули, надлежните имаат висок степен на сигурност дека, тоа е причината за бактеријата која однесе четири животи. Но, Рунтевски не одговори на прашањето точно од каде е набавувано месото, затоа што се уште не било испитано.
Дали Македонија има капацитет да ги заврши анализите за причинителот Рунтевски рече дека располагаат со лаборатории, иако едната не е акредитирана.
Неофицијално, НОВА дознава дека мострите ќе бидат испратени на испитување и во странство.
Цела недела се одложуваа резултатите од анализите за испитување на причинителот на листерија, а денеска е соопштено само дека со огромна сигурност станува збор за свински врат произведен од фирмата Екстрамеин од Куманово, но не и од каде се набавувало месото.