Околу 8.000 британски војници ќе одат во источна Европа на учество на воени вежби кои се одржуваат поради руската инвазија во Украина.
Како што наведува „Скај њуз“, станува збор за едно од најголемите разместувања на британски војници од Студената војна, а тие ќе бидат испратени во неколку земји од Финска до Македонија.
Покрај војници, летово на повеќе локации ќе бидат пратени десетици тенкови и повеќе од 100 оклопни борбени возила.
Друштво на британските вооружени сили ќе прават и десетици илјади војници од НАТО и сојузниците, меѓу кои од Данска, од Норвешка и од Исланд.
Министерството за одбрана соопшти дека планираните вежби имаат цел да ја подобрат способноста на британските и финските војници за заеднички да работат на одвраќање на руската агресија во Скандинација и во балтичките земји.
„Сигурноста на Европа никогаш не била поважна. Овие вежби ќе покажат како нашите трупи ги здружуваат силите со сојузниците и партнерите во демонстрација на солидарност и сила во една од најголемите заеднички разместувања на војници од Студената војна“, рече британскиот министер за одбрана, Бен Валас.