Партијата за Демократска обнова на Македонинја (ДОМ) алармира дека над 500 деца во општина Ѓорче Петров имаат потреба за згрижување во градинка и бара сите трошоци што биле планирани на општинско ниво за градење, да се пренаменат за изградба на сместувачки капацитети за децата.
„Според информациите од јавноста повеќе од 500 деца чекаат ред за прием во градинките во Ѓорче Петров. Граѓаните секојдневно видно загрижени упатуваат пораки до нас и известуваат за проблемите со кои се соочуваат за згрижување на своите деца. ДОМ Ѓорче Петров апелира за итно довршување и пуштање во употреба на новата градинка во Волково, изградба на нови градинки и проширување на постоечките. Граѓаните на Ѓорче Петров имаат потреба и право на згрижување на своите деца. Сите непродуктивни трошоци и планови за довршување на новата општинска зграда, апелираме да бидат вложени во нови градинки и проширување на постоечките, се наведува во соопштението на ДОМ.