Министерството за здравство (МЗ), согласно податоците од Институтот за јавно здравје (ИЈЗ), информира дека во последните 24 часа се регистрирани 193 нови случаи на ковид-19 од 894 направени тестови и 97 оздравени пациенти.
Нови случаи на коронавирусот се регистрирани во Скопје – 109, во Битола – 17, во Куманово – 15, во Кавадарци – 11, во Велес – седум, во Гостивар и во Штип – по шест, во Кичево – пет, во Прилеп – четири, во Тетово, во Струмица и во Радовиш – по три, во Кочани, во Гевгелија, во Неготино и во Демир Хисар – по еден.
Регистрирани сe 97 оздравени пациенти од Скопје – 62, од Битола – пет, од Тетово, од Струмица, од Кочани и од Охрид – по четворица, од Кавадарци и од Неготино – по тројца, од Велес и од Штип – по двајца, од Гостивар, од Прилеп, од Богданци и од Македонски Брод – по еден.
Во текот на изминатите 24 часа не е пријавено ниту едно починато лице. Согласно Регистарот на починати лица со дијагноза ковид-19 од „Мој термин“ регистрирани се две починати лица од Скопје (85 год.) и од Берово (76 год.), починати на ден 13 јуни, односно 20 јуни.
Досега во земјата се направени вкупно 2.082.690 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 314.211, бројот на оздравени пациенти е 303.989, на починати е 9.327, а бројот на активни случаи изнесува 895.