Платите во Министерството за внатрешни работи (МВР) ќе бидат покачени за пет отсто, мерка што ќе почне да се применува од исплатата за септември, одлучи владата на денешната 65-та седница.
„Владата го задолжи Министерот за внатрешни работи да ги преземе сите потребни активности за реализација на покачувањето на плати во МВР во висина од 5 проценти, почнувајќи со платата од септември 2022 година, по известувањето од Министерството за внтрешни рааботи дека во буџетот на МВР за 2022 година се предвидени средства за вакво покачување од месец септември и барањето на МВР за донесување ваков заклучок, со цел да се направи промена на решението за вредноста на бодовите“, се вели во соопштението по владината седница.