Максим Димитриевски на чело на „Движење за прогресивни промени“

Иницијаторот на групата „За наше Куманово“ и актуелен градоначалник на општина Куманово Максим Димитриевски информира дека вчера во Гостивар е формирано граѓанско здружение „Движење за прогресивни промени“.

„На средбата со иницијативниот одбор за претседател на здружението е избран Љубомир Величковски. Граѓанскиот концепт се шири, енергијата се чувствува помеѓу граѓаните насекаде, народот се обединува! Продолжуваме и во другите градови во Македонија!“, изјави Димитриевски.

Досега, граѓански здруженија се формирани во Куманово, Прилеп, Крушево, Кочани, Тетово и Гостивар.

Во месец септември, е предвидено формирање на граѓанско здружение и во Скопје.