Малезискиот авион со лет МH370 кој пред речиси осум месеци исчезна без трага, најверојатно лежи шест километри под вода и тоа целосен. И само некаков вид на човечка интервенција би можел „да го смести“ таму, смета искусен пилот на Боинг 777, пренесува „Inquisitr“.
Поранешниот капетан на таков вид авиони Бајрон Бејли тврди дека нема никакви шанси авионот да летал пренесен на автопилот па да снемал гориво и да паднал во океанските води, нешто што одамна тврдеа експерти за медиумите низ светот.
– Профилот на летот е програмиран во компјутер уште пред да стартува моторот а ангажирано е и автоматското управување, според нормите, веднаш по полетувањето, така што авионот ќе се префрлел на автоматско управување до својата дестинација се додека некој човек не го пренасочи, пишува во колумна Бејли.
Тој вели има искуство со таквиот тип на авион и затоа знае. Капетанот надополнува дека летот е регистриран на 80 компјутери а секој систем внатре во авионот е осигуран како успешно би се извела операцијата.
– За да се изгуби вториот контакт со радар, некој морал да ги деактивира сите три рачно. Фактот што летот MH370 не е забележан на ниеден од радарите на земјите над кои летал, влева сомнеж потенцира Бејли.
Гледиштата на капетанот Бајрон Бејли ги делат многу независни експерти кои не се дел од истрагата, но не и официјалните лица кои се дел од неа.
Неодамна еден документарец сугерираше дека авионот можеби бил управуван електронски. А неодамна книгата „Добра ноќ Малезија 370: Вистината за загубата на летот 370“ потенцира дека пилотот на Боингот 777 Захари Ахмад Шах, намерно го возел авионот вон првичниот курс во самоубиствена завера.
Истата книга вели, авионот бил слетан во вода а потоа потонал.
– Боингот 777 е многу голем авион и лично верувам дека се наоѓа 6.000 метри под вода, пишува капетанот Бејли во колумна.
Тој порачува дека доколку има вистинска истрага, авионот ќе биде пронајден.
>> MH370: Уште колку ќе трае потрагата?
>> „Добра ноќ“ – последните зборови од пилотот на малезискиот авион до контролорите