Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Блокирањето на уставните измени го кочи патот кон ЕУ, оди во прилог на антизападните струи поттикнати од Русија

0
By Ана Василевска on December 13, 2023 АНАЛИЗА, ПОЛИТИКА
СПОДЕЛИ
Facebook Twitter LinkedIn Email
Published: Wednesday, December 13, 2023 16:10

Блокирањето на уставните измени, а со тоа и на непречениот пат на Северна Македонија кон Европската Унија, одат во прилог на антизападните струи, кои се пред сè поттикнати од Русија, за дестабилизација на регионот и негово оттргнување од патот на евроатлантските интеграции, оценуваат политичките аналитичари, коментирајќи ја деструктивната улога на опозициската ВМРО-ДПМНЕ во евроинтеграцискиот процес на земјава.

– Кочењето на ЕУ преговорите секако е чекор кој е дестабилизирачки. За тоа нема никаква дилема! Мислам дека Левица, не ги крие своите антипатии кон Западот и склоност кон Русија. ВМРО-ДПМНЕ ќе треба да излезе со конкретна понуда за ЕУ интеграциите во текот на изборната кампања која претстои, и со тоа да ја реши дилемата околу својата политичка ориентација во наредниот период, изјави политичкиот аналитичар Бесим Небиу за „Фронтлајн“.

Политичкиот аналитичар Ерол Ризаов вели дека историска катастрофа е да не ги продолжиме почнатите преговори со ЕУ. Според него, одговорноста е на ВМРО-ДПМНЕ и нејзините сателитски партии и партиите прелетувачи кои секогаш сакаат да бидат со власта.

– За мене воопшто не е битно чие влијание е да не се усвојат уставните измени – што значат не само почеток на преговорите туку многу поважно остварување на неопходните реформи. Ако доживееме таков дебакл, историска катастрофа е да не ги продолжиме почнатите преговори со ЕУ. Одговорноста е на ВМРО-ДПМНЕ и нејзините сателитски партии и партиите прелетувачи кои секогаш сакаат да бидат со власта. Но, нивната пресметка дека се веќе на власт може да се врати како бумеранг и да им се удри од глава, вели за „Фронтлајн“ – аналитичарот Ризаов.

Трагедијата, додава тој, е во тоа што кој и да формира Влада пак нема двотретинско мнозинство.

– На македонската јавност е да оцени на кого треба да му го даде гласот за да обезбеди иднина на генерациите што доаѓаат. Треба да им се остави нешто позначајно од долговите што треба да ги плаќаат, потенцира тој.

Петрит Сарачини, истражувач и претседател на Институтот за медиуми и аналитика (ИМА) смета дека блокирањето и спречувањето на гласањето на уставните измени од страна на опозициската ВМРО-ДПМНЕ и Левица, одат во прилог на антизападните струи, кои се пред сè поттикнати од Русија.

– ВМРО ДПМНЕ и Левица, со блокирањето и спротивставувањето на уставните измени, кои се услов за земјава да ги продолжи започнатите преговори со ЕУ, само им одат во прилог на антизападните струи, кои се пред сè поттикнати од Русија, за дестабилизација на регионот и негово оттргнување од патот на евроатлантските интеграции. Ваквото дејствување на опозицијата прави огромна штета за стабилноста на земјата, влијае и на нарушување на меѓуетничките односи, и ги оневозможува шансите за напредок и подобар живот за сите граѓани, без оглед на нивната припадност. Сметам дека се работи за политики на опозицијата кои се кусогледи, и чија цел се дневнополитички придобивки, на сметка на општиот интерес на целата земја и на сите нејзини граѓани, изјави Сарачини за „Фронтлајн“.

Од друга страна во заклучоците усвоени на последното заседание (12.12.2023) на Советот за општи работи на Европската Унијата се наведува дека Северна Македонија ќе го продолжи преговарачкиот процес со Европската Унија откако ќе бидат усвоени уставните амандмани, што е предвидено со Преговарачката рамка и со заклучоците на Советот на ЕУ од јули 2022 година.

– Ова е година на моментум на политика на проширување на ЕУ и драго ми е што не само што успеавме да дадеме предлози до Советот, туку донесoвме и одлуки, изјави еврокомесарот за проширување и соседска политика Оливер Вархеји, додавајќи дека сепак конечната одлука околу процесот на проширување ќе ја донесат лидерите на Унијата на Самитот во четврток и во петок.

Во делот од заклучоците за Северна Македонија се поздравува првaта меѓувладина конференција одржана во јули 2022 година и успешното завршување на скрининг процесот и се додава дека втората меѓувладина конференција ќе биде свикана без дополнителни одложувања или потреба од носење дополнителна политичка одлука, штом Северна Македонија ќе го заврши процесот на уставните измени, согласно заклучоците на Советот од јули 2022 година.

– Советот ја повикува Северна Македонија да го забрза усвојувањето на овие измени, по што Советот е подготвен да го отвори првиот преговарачки кластер што е можно поскоро, во согласност со Преговарачката рамка. Советот ги охрабрува сите партии во Собранието да се фокусираат на унапредување на реформите поврзани со ЕУ и процесот на пристапување во Европската Унија, се наведува во заклучоците.

Дестан Јонузи

Извор: Фронтлајн.мк

Блокади на ВМРО-ДПМНЕ уставни измени
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.