Македонија во споредба со другите поранешни југословенски републики помина со многу мал данок во губење на луѓе и имот и е единствена држава која сѐ уште опстојува на варијантата за нетериторијална делба на луѓето, изјави пратеникот Мендух Тачи во интервју за поткастот „Политиканти“ што се емитува на Слободна ТВ на Слободен печат.
Во последните шетст- седум години имавме тешки ситуации. Сепак, владата во која и јас формално учествувам како дел од мнозинството во Парламентот, оствари резултати за кои не верував дека ќе можеме да ги постигнеме. Станавме членка на НАТО што е големо достигнување. Но, недобивањето, односно неотворањето на вратата на ЕУ, нѐ става под голем стрес. Верував дека ќе успеме да го направиме последниот чекор, последната врата, отворање на Уставот, но не успеавме, посочи Тачи.
Што се однесува до опозицијата, Тачи додаде дека „таа успеа да нѐ донесе до ситуација да не се направат уставни измени, само со цел да направи рејтинг за да ги добие изборите“.