Украинскиот амбасадор во Македонија, Јуриј Гончарук, во колумна за НОВА го анализира руското воено влијание во источниот дел на Украина
На 25 декември Информативно-аналитичкиот центар на Советот на националната безбедност и одбрана на Украина го објави извештајот за воената техника, што Русија ја испорача на милитантите во период од 30 октомври до 9 декември 2014 година.
Согласно со извештајот евидентирани се 256 тенкови, 138 „Гради“, 402 оклопни возила, 35 самоодни топови, 42 топови, 5 ракетни системи „Бук“.
Во Донбас од Русија, исто така, влегоа 1 903 камиони, 205 автомобили и микроавтобуси, 20 автобуси со личен состав, 242 цистерни.
Покрај тоа, евидентирано е преместување на 4 системи на тактички ракети „Точка-У“, на 4 повеќеракетни фрлачи „Ураган“, 4 фрлачи на пламен „Пинокио“, 5 автоматизирани системи за следење „Таран“, неколку системи за радиоелектронска борба „Жива-БM“, 3 радарски система и една радарска станица.
Добро познатите руски “хуманитарни“ конвои привлекуваат внимание од медиумите во сиот свет.
Всушност, нивната појава има за цел да го одвлече вниманието од реалните конвои, што секојдневно ги преминуваат неконтролираните делови од украинската граница.
Гореспоменатите иследени покажуваат количината на техника којао ја поминува руско-украинската граница на тие делови, што не ги контролира Украина и не врши надзор Специјалната мониторинг мисија на ОБСЕ.
Ќе спомнам дека таа ја следи ситуацијата само на 2 километра од 409-километарското протегање на украинско-руската граница која се контролира од милитантите.
Во контекст на изложеното, предлагам да се оценат “најсветлите“ изјави на руските политичари, направени во текот на последната седмица. Овој пат без моите коментари.
Значи, прво збор на министерот за надворешни работи на РФ С. Лавров:
„Уверен сум дека оваа трагична етапа во историјата на Украина ќе биде надмината, дека украинскиот народ ќе посака да го обнови договорот преку обединување на сите делови на Украина врз основа на компромис и рамнотежата на интересите… Во таквата украинска држава односот кон Русија ќе биде прекрасен“.
Според мислењето на претседателот на комитетот на Државната Дума на РФ за меѓународните работи А. Пушков украинската власт е неконструктивна и непријателска, без оглед на отстапките што ги прави Русија. Во овој случај се работи за прашањето за гасот:
„Ако не ја водевме работата со Украина – врз основа на авансно плаќање или без гас, односот кон нас нема да се промени: денешната киевска власт е насочена само на омраза“.
Коментирајќи ја информацијата за можното испраќање на Украина на американска воена техника која е стационирана во Авганистан, пратеникот на Државната Дума на РФ Ф.Клинцевич го истакна тоа дека во случај на реализирање на таквите планови, руските парламентарци ќе му предложат на претседателот на РФ В. Путин да направи „чекор во одговор“, односно да донесе решение за испорака на руска воена техника на самопрогласените ДНР и ЛНР.
Врвот на хит-парадата од изразите е изјавата на претседателот на Советот на Федерацијата на РФ В. Матвијенко во врска со укинувањето на вонблоковскиот статус на Украина:
„Тоа е уште една избрзана, непромислена одлука, донесена под зуење на антируски расположените пратеници. Русија навистина не и се заканува на Украина“.
Нема што да се коментира, навистина. Единствено, што можам да додадам е тоа дека увозот на руската техника и жива сила во Украина не престанува.