Движењето Пегида во Германија вчера, за време на својот протест против имиграцијата и исламизацијата, наиде на градови без светло и мобилизација на германските демократи.
Пегида е кратенка на името Европски патриоти против исламизацијата на Западот. Ова движење организира од октомври протести во повеќе германски градови против имигрантите. Седиштето на организацијата е во Дрезден и тоа успева да мобилизира илјадници приврзаници.
Во понеделникот во Дрезден 18 илјади лица излегоа на протест а многу луѓе се појавија на марш и во Берлин, Келн и Штутгарт. Но истовремено се појавија и контрапротестанти, особено откако Пегида беше осудена од германската политика.
Канцеларката Ангела Меркел изјави дека секој во Германија има право слободно да го каже своето мислење но дека во Германија нема место за протести против имигрантите. За време на својот новогодишен говор Меркел изрече осуда кон оние кои се “студени, имаат предрасуди и омраза во срцата” но без да ја именува Пегида.
Полицијата во Берлин рече дека 5000 контрапротестани ги блокирале стотиците припадници на Пегида и ги спречиле да продолжат по планираната маршрута.
Според полицијата околу 22.000 анти Пегида протестанти излегле на улоца во Штутгард, Минстер и Хамбург.
Во Келн властите одлучија да ги изгаснат светлата на катедралата симбол на овој град но на повеќе места во центарот на градот. Со ова властите сакаа да упатат порака до приврзаниците на Пегида дека си својата акција тие им даваат поддршка на екстремистите.
“Не го гледаме ова како протест но би сакале да им обрнеме внимание на многумината конзервативни христијани кои ја поддржуваат Пегида добро да размислат што прават”, изјави првиот човек на Катедралата за Би-Би-Си.
Во Келн на протестот излегоа само 250 припадници на Пегида додека контрапротестантите ги имаше повеќе илјади.
Движењето Пегида вели дека не е наонацистичко ниту расистичко но на неговите протести се придружуваат и луѓе кои ја бранат оваа идеологија.