Нивото на реките во горниот дел од струмичкото поле денеска се нормализира, но понатаму се работи на одводнување на поплавените Муртино и Сачево.
Две семејства од Струмица се згрижени, а храна се доставува до поплавените во селата Муртино и Сачево.
Градоначалникот на Струмица, Зоран Заев изјави дека општата состојба, посебно со нивото на реките се стабилизира и водата се повлекува во речните корита.
– За жал и понатаму е тешка состојбата во поплавените Муртино и Сачево, каде механизацијата работи на одводнување и испуштање на водата од селата во полето. Овде, општинскиот кризен штаб денеска до постарите и финасиски изнемоштени семејтва достави пакети со прехрамбени продукти. На нивно барање две семејства од Струмица се сместени во конаците на црквата „Свети 15 Тивериополски свештеномаченици“, изјави градоначалникот Заев.
Според Заев, општинските комисии за штети веќе се во населените места каде по поднесените пријави од граѓаните се вршат и првите проценки, што ги направи поплавата.
Во Штип водата за пиење низ водоводниот систем која протекува во одредени населби не смее да се корист. Дел од бунарите се ставени во функција по повлекувањето на водата во коритото на реката Брегалница, соопштии директорот на ЈП „Исар“, Никола Мицевски
– Ние и Центарот за јавно здравје земаме мостри и постојано правиме анализи за квалитетот на водата. Водата која протекува низ чешмите не смее да се користи за пиење, туку само како техничка, вели Мицевски.
Во Лакавичкиот регион урнат е мост кон селата Степанци и Пухче, со што 30 жители се отсечени. Во меѓувреме, денеска се расчистува дополнителен премин на реката Лакавица, каде механизацијата и возилата на локалните жители ќе може непречено да минува.