Албанскиот премиер Еди Рама со свој суптилен крој, се издвојуваше на големиот марш во Франција во чест на жртвите од масакарот врз редакциајта на сатиричниот магазин „Шарли Ебдо“.
За време на изминатава недела, кога моливот стана симбол за слободата на говорот во Париз, политичарот Рама, кој и самиот е сликар со неколку изложби зад себе, се појави со три моливи: во сина, бела и црвена боја во својот џеб, симболизирајќи го француското знаме.
Неговото министерство за надворешни работи остро ги осуди нападите на 7.декември, со став дека се работи за терористички напад.
*Еди Рама им се заблагодарува на свештениците попот и оџата што го придружија на Маршот во Париз
Преку соопштение за медиуми, Албанското министерство за надворешни работи потенцираше дека „нападот врз слободата на говорот со ништо не може да се оправда“.
– Република Албанија сочувствува со францускиот народ и изразува жал до фамилиите на жртвите и до француските власти, соопшти Министерството по нападите.
Маршот во Париз беше организиран со надеж и порака дека тероризмот нема да се толерира и дека слобода не смее да се загрозува.
Повеќе од 3 милиони луѓе учествуваа на маршот, а меѓу нив и 40 светски лидери кои рамо до рамо беа со учесниците.
Од лидерите од Балканот, на маршот присуствуваа бугарскиот премиер Бојко Борисов, хрватскиот премиер Зоран Милановиќ, косовската претседателка Атифете Јахјага, унгарскиот премиер Виктор Орбан, и други.
Додека од светските лидери, присутни беа покрај претседателот на Франција Франсоа Оланд, и германската канцеларка Ангела Меркел, британскиот премиер Дејвид Камерон, италијанскиот премиер Матео Рензи, претседателот на Европската комисија Жан-Клод Јункер, претедателот на Европскиот парламент Мартин Шулц, генералниот секретар на НАТО Јенс Столтенберг и други.
Присуствуваа и лидерите од Блискиот Исток, од Израел, Јордан, Палестина, Катар како и многу делегации од Африка.