Најновиот извештај за вештачката интелигенција (ВИ) нарачан од американскиот Стејт департмент укажува на застрашувачка слика од „катастрофални“ ризици по националната безбедност од брзата еволуција на вештачката интелигенција. Во него, пренесе Си-Ен-Ен, се предупредува дека е дојдено време сојузната влада на САД да реагира за да се избегне катастрофа.
Пртезентиран од „Гледстоун Еј Ај“ извештајот категорично наведува дека најнапредните системи со вештачка интелигенција во најлош случај „претставуваат закана со целосно изумирање на човечкиот вид“. Извештајот е уште еден потстетник дека иако потенцијалот на ВИ продолжува да ги плени инвеститорите и јавноста, сепак постојат реални опасности.
ВИ веќе е економски трансфомативна технологија. Овозможува да лечиме болести, да правиме научни откритија, и да ги надминеме предизвиците кои некогаш беа ненадминливи, изјави Џереми Харис, извршен диркетор и коосонвач на „Гледстоун Еј Ај“.
Но, таа може да донесе сериозни ризици, вклучувајќи катастрофални ризици за кои треба да сме свесни. Растечки број на докази, вклучувајќи и емпириско истражување и анализа објавени на најважните конференции за ВИ, сугерираат дека над некое ниво на возможност, ВИ можат потецијално да избегаат од контрола. Линк