“Ние немаме никакви обврски кон олигарсите, ние имаме обврски кон народот!”, изјави Алексис Ципрас, лидерот на Сириза која вечерва најверојатно ќе освои можеби и апсолутно мнозинство со кое треба да ја води Грција во наредните години.
Дописникот на францускиот магазин Ле Пуен вели дека за време на целата кампања партијата Сириза не отстапила од ветувањето дека целта е уништување на грчката олигархија, оние неколку семејства кои ги контролираат медиумите, големите фирми и имаат привилегирани односи со политичарите.
Во една дипломатска нота на американската администрација објавена од Викиликс пишува: «Мала група милијардери, сопственици на медиумите и на други фирми, кои или наследиле богатство или создале значајно богатство, одржуваат врски на инцест со политичарите».
Помеѓу нив се наоѓа Лацис за кој се смета дека е најбогатиот човек на Грција која изнесува околу 3 милијарди евра. Тој живее во Женева и е син на бродосопственик. Лацис ја има в раце најголемата рафинерија на Грција Ламда Девелопмент. Неодамна тој го купи и поранешниот аеродром Елинико на југот на Атина.
Спиро Лацис
Земјиштето изнесува 620 хектари и дел од списокот на агенцијата за приватизација. Според плановите, ова место треба да биде трансформирано во голем забавен центар со луксузни хотели, луксузни апартмани казино. Во меѓувреме, на ова место сега е сместени една болница во која доброволно работат 60 лекари и десетици болничари и апотекари кои ги лекуваат се побројните Грци кои повеќе немаат право на здравствено осигурување.
Сириза вети дека ќе го сопре овој проект. Според партијата, земјиштето било дадено по многу мала цена и не е направена ниту една студија за еколошките и социјални последици од изградбата на забавен центар на тоа место.
Другата богата фамилија е Вардинојани. Вардис Вардинојани е бродосопственик и сопственик на МоторОил, втората најгоема рафинерија во Грција но и на хотел во Атина, телевизија Стар и е акционер на телевизијата Мега.
Вардис Вардинојани
Сириза ветува дека ќе побара од овие луѓе да ги платат обврските кон државата како данокот за фирми. Доколу одбијат да платат од нив ќе се бара да инвестираат големи суми во поддршката на повеќе активности кои не можат да работат без донации.
Сириза сака да ја зајакне борбата против фискална евазија и се надева дека така ќе прибере барем 3 милијарди евра со кои ќе ја финансира својата борба против сиромаштијата и ќе може да им плати греење на оние кои тоа не можат да го сторат, дека ќе дадат поддршка за малите пензии и дека ќе можат за секој да најдат начин да добие здравствено осигурување.
Според Транспаренси Интернешнел ситната корупција во Грција се намалува но големата корупцијата и неплаќањето даноци ја чинат 10 милијарди грчката држава.
Конечно, Сириза има намера им го сврти грбот на богатите сопственици на медиуми. Така, дозволите за емитување на аудио-визуелни програми нема да бидат доделувани како на досегашниот сомнителен начин.
Во едно интервју за Фајненшл Тајмс Јоргос Статхакис кој ја води економската политика на партијата, изјави дека на тој начин повеќе стотици милиони евра можат да и се вратат на Грција. Останува да се види Сириза ќе може да ги оствари овие планови или можеби ќе наиде на отпор при обидите да ги стави во погон.