Скопје денеска беше домаќин на првиот имплантолошки Конгрес со специјалисти од четири континенти

Успешно заврши и сложениот хируршки зафат – транспозиција на нерв на пациент од земјава а снимката беше прикажана во рамки на конгресот.

Оваа комплексна техника ја изведе искусен хируршки тим под водство на професор д-р Мазен Тамими од
САД, роден во Јордан. Интервенцијата се изведе во присуство и во приватната
специјалистичка ординација на реномираниот орален хирург и имплантолог од
овие простори – др. Диана Бојковска. Пациентот е во стабилна состојба, се
чувствува добро, но претстои период на целосно заздравување после
извршување на операцијата поради прилично атрофираната долна вилица.

Дигитализација во стоматологијата и новите трендови во имплантологијата беа  дел
од темите во центарот на вниманието на овој Конгрес.
Еминентни стоматолози специјалисти од Македонија исто така учествуваа на конгресот: Д-р. Митко Франгов, орален хирург и меѓународно лиценциран имплантолог, Д-р. Златко Вршковски, максилофацијален хирург и меѓународно лиценциран имплантолог, Д-р. Недим Касами, максилофацијален
хирург и имплантолог, Д-р. Петар Вршковски, орален хирург и имплантолог, Др.
Диана Бојковска, орален хирург и имплантолог. Во Македонија за прв пат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME европски
кредит поени.