Тричковски: Тричковски од пред една или повеќе години, всушност, отсекогаш – Промени

Мнозинството посељачени Македонци, по правило не ги интересираат светските процеси, освен ако не е некое руско теписирање на некој украински град, што предизвикува всохити еднакви на тие кога Ноле ќе тепа некого, но и покрај тоа мислам дека е важно да се соопштаат следниве согледувања:

1. Човековите права како принцип и феномен кој одигра важна улога во напредокот на цивилизацијата и во геополитичките пресметки и пресложувања во последните педесетина и повеќе години, ќе загуби дел од својата релативна важност за сметка на прашањата на стабилноста, безбедноста и геостратегиските релации.
2. Демократскиот процес мора да претрпи одредени промени и прилагодби за да може да одговори на брзината на времето, на потребата од брзи одлуки, значи нешто контра бавноста и пренагласената процедуралностни протоколарност кои се во спротивност со потребите на времето. ЕУ е блокирана од Унгарија или од Бугарија поради принципот на едногласноста кој во времето на усвојувањето немал предвид ваков развој на ситуацијата. Во Македонија една мала банда која во подруги околности успеала да собере 44 пратеника ја блокира земјата односно уставните промени како услов за напредок. И се друго. Не прави ништо друго освен што блокира. Други се занимаваат со филибастеринзи и други театралности. Новите форми на демократијата мора да ги укинат тие мастурбаторски предизвици на простаците.

Мора да се случат на светско ниво, а и кај нас на локално ниво промени кои ќе ја зголемат ефикасноста на демократското одлучување со промени во изборниот систем, во собраниските процедури, во судските процедури во владините постапувања, во медиумите. Повикувањето на старите принципи станува многу штетно и опасно.

3. Се забележува драстичен пад во респектот кон политиката на светско ниво. Тоа се префрла во намален респект кон државите како историски феномени и врз нациите. Тука работите на изглед ќе одат побавно, но само на изглед, јас мислам дека ќе се соочиме со забрзана дерогација на овие феномени и тоа впрочем веќе се случува, Македонија, Србија, Хрватска па и во Западна Европа (Франција, Германија, Холандија)се случува. Особено е важно Македонија да го разбере тој процес и да не заостанува зад мнозинството. Ако се разбираме.
4. Локалната култура за секоаш ќе остане, но на нивото на традиција и фолклор, единствена релевантна култура ќе биде таа што ќе може да смета на светски или,пошироки регионални лиценци. Нема смисла да се снимаат локални филмови, подобро е да се оди во копродукција со светски автори, нема смисла да се пишуваат романи што никој не ги чита итн. Мора да се биде модерен и авангарден, а не народен и ретрограден, елитен, а не фолклорен, светски во тематиката, а не локален плачипичец, итн.
5. Барајки алтернатива на максимирањето на профитот како принцип кој го влечеше развојот на светот, а сега се заканува да ја експлодира целата планета, ќе мора да се оди на дисперзија на националните економии во локални форми, во некој вид на кибуци, во самоодржловост на локалните заедници, ообено во врска со храната енергијата и екологијата и вработувањето, се разбира.
6. Драматична реформа на образованието.
7. Примена на вештачката интелигенција и контрола на таа примена.
8. Драматични промени во сообраќајот.
9. Драматични промени во здравствените системи.
10. Нова интерконтинентална медиумска поставеност.
11. Обединување на светот не врз основа на идејата што го покреана лудиот цар на Русија во агресијата врз Украина, значи не со потпирање на територијалниот пинцип туку на вредносниот, техничко трхнолошкиот и еколошкиот, глобалистичкиот. Глобализмот ги исцрпе своите можности во економијата и трговијата, но во поглед на управувањето со здравјето на планетата допрва треба да се воспостави.

Од фејзбук ѕидот на авторот