Комунистите, комуњарите, денешните “предавници” направија држава за сите. Нека го прочита овој пост Таравари. Нека се потсети и тоа дека комуњарите, тие “шпиуни” и “предавници” го решија спорот со Грција, ја внесоа земјата во НАТО, започнаа директни преговори со Европската унија. Комуњарите, а не десничарите кои денес ќе засерат се’, ја направија и создадоа оваа мултикултурна и мултиконфесионална држава.
Ненад Јовановиќ
Кога ги бранев политиките на минатата влада затоа што беше фрагилна и во некоја смисла “малцинска”, ама Европска и слободна, поточно мека и пропулзивна, господинот Таравари ми доаѓаше на профилот да ме укорува и нешто ми морализира; да ми суди де, што требало а што не требало да бранам и поддржувам.
Секој си земаше за право во времето на “режимот на Заев” мене да ми суди. Беше чудовишна и надреална таквата позиција и за тоа како луѓето ме доживуваа.
Денес, на едно интервју, Таравари вели дека не ја познава Македонската химна, а богами вели дека не ја познава ниту Албанската химна. Не е важно што Таравари познава и не е важно што е врежано во неговата свест. Важно е следново:
Македонската химна ја измисли, создаде, фикционализира ако сакате, уметнички и поетски, господинот партизан и револуционер, Владо Малески, татко на нашиот Денко Малески, брилијантен писател, научник и дипломат.
Комунистите ви создадоа држава, браќа и сестри Македонци и Албанци. Комунистите и партизаните. Комунистите ја дефинираа оваа држава, го кодифицираа Македонскиот јазик, создадоа Универзитети, радио и телевизија, железнички пруги, Културно-уметнички центри, напишаа брлијантни книги и снимија филмови.
Понатаму, Југославија ги нормализираше односите со Бугарија: 1.) Беше призната македонската посебност од страна на НР Бугарија;
2.) Моштите на Гоце Делчев од Софија се пренесени во Скопје 1946. година;
3.) Основан е Македонскиот народен театар 1945. година;
4.) 1974 година Македонците во новиот Устав на Југославија добиваат право на Самоопределување кое ќе го добијат и целосно, како независна и самостојна држава во 1991. година.
Комунистите, комуњарите, денешните “предавници” направија држава за сите.
Нека го прочита овој пост Таравари. Нека се потсети и тоа дека комуњарите, тие “шпиуни” и “предавници” го решија спорот со Грција, ја внесоа земјата во НАТО, започнаа директни преговори со Европската унија.
Комуњарите, а не десничарите кои денес ќе засе.ат се’, ја направија и создадоа оваа мултикултурна и мултиконфесионална држава.
Се слушаме ли, денес, мисје Таравари?! Ако не се слушаме, не мора, а би требало.
Од Фејзбук ѕидот на авторот