Изјавата на Александар Николоски дека „Бугарија се покажала како лош домаќин“ беше главна тема денеска во бугарскиот парламент и предизвика бурни реакции кај бугарските политичари.
Дел од нив го повикале бугарското МНР за итна акција, испраќање демарш, па дури и отповикување на македонската амбасадорка Агнеса Руси Поповска.
Освен што изјави дека „Бугарија се покажала како лош домаќин“, Александар Николоски вчера во своето гостување на Алфа телевизија ги нарече Бугарите и нецивилизирани.
Очигледно домаќинот не е цивилизиран, ако сакаат нека ми испратат протестна нота. Не се достоинствени, немаат почит. Само оние слуги кај нас што потпишаа дека македонскиот и бугарскиот народ имаат заедничка историја , што ја немаме, се помизерни од нив. Оние што се согласија со нивните потписи дека македонскиот јазик е дијалект на бугарскиот и дека никогаш нема да влеземе во Европската унија ако не признаеме дека сме Бугари и имаме бугарски корени, го пренесува БГНЕС Николоски.
Копретседателот на ДПС, Дељан Пеевски на денешната седница на бугарскиот парламенет побарал отповикување на амбасадорката додека во Софија „не добијат извинување од Скопје“.
По уште една скандалозна и неприфатлива ароганција што ја покажа прорускиот режим на Мицкоски, РСМ мора да добие дефинитивен одговор од бугарската држава. Амбасадорката на РСМ мора веднаш да биде отповикана додека Бугарија и Бугарите не добијат соодветно извинување за навреди кон бугарската држава и народ. Нека се знае дека нема да толерираме некој да си дозволи таков став. Уште помалку што претставниците на власта тврдат дека за нивната земја, за која Бугарија направи толку многу како поддршка низ годините, има место во европското семејство, нагласува Пеевски.
Од партијата „Има таков народ“ велат дека грешката била што „ПП-ДБ, ГЕРБ и ДПС го укинале ветото за Македонија“
Ова е доказ зошто Република Северна Македонија (РСМ) нема место во ЕУ, како и за националното предавство што го направија во ПП-ДБ, ДПС и ГЕРБ со укинувањето на ветото на нејзиниот пристап. За ваквата реторика и шефовите на држави кои си дозволуваат така да зборуваат, нема место во ЕУ, прокоментира претседателот на пратеничката група на Има таков народ, Тошко Јорданов. Линк
Текстот е сопственост на Слободен печат