Сега, со право може да се постави прашањето: кој тоа му вршел притисок на професорот Ванчо Ѓорѓиев меѓу двата изборни круга на последните локални избори?
Атанас Костовски
Преку „Слободен печат“ го замолив професорот да го соопшти името на политичарот што му вршел притисок, веројатно за некаква продажба на националните македонски интереси. Професорот никогаш не одговори, па може логично да се заклучи дека притисокот доаѓа од редовите на ВМРО-ДПМНЕ и Христијан Мицкоски во однапред предвидениот термин да се поднесе оставката меѓу споменатите два изборни круга на локалните избори.
Владиниот селектор Христијан Мицкоски го соопшти новиот македонски тим за претстојните разговори со бугарските историчари. Добар потег на селекторот, меѓу избраниците се повикани и двајца експерти со највисоки историски „тапии“ од стариот состав на тимот.
Првиот, професорот Александар Литовски, по истекот на двогодишниот мандат не доби продолжување од претходниот селектор Зоран Заев, а вториот, пак, професорот Ванчо Ѓорѓиев, си поднесе оставка меѓу двата изборни круга на последните локални избори, поради, како што изјави, политички притисоци од тогашната владејачка партија.
Квалитетен избор на селекторот. Со своето знаење и уверување во историските факти, и двајцата професори ќе бидат вистински столб за историјата на македонскиот народ во последните векови (нивна специјалност).
Ме радува што во случајот на Александар Литовски, новиот селектор ја исправи грешката на стариот – тој заслужува да биде стандарден првотимец на нашиот тим. Искрено, очекувам да продолжи, како порано, со своите инспиративни колумни на страниците на „Слободен печат“.
Што се однесува до изборот на професорот Ванчо Ѓорѓиев, може кусо да се прокоментира – наградата пристигна! Се врати во комисијата и, патем, ја доби и капитенската лента (претседател на Историската комисија)!
Сега, со право може да се постави прашањето: кој тоа му вршел притисок на професорот Ванчо Ѓорѓиев меѓу двата изборни круга на последните локални избори?
Тогаш, на страниците на „Слободен печат“ го замолив професорот да го соопшти името на политичарот што му вршел притисок, веројатно за некаква продажба на националните македонски интереси.
Професорот никогаш не одговори, па може логично да се заклучи дека притисокот доаѓа од редовите на ВМРО-ДПМНЕ и Христијан Мицкоски во однапред предвидениот термин да се поднесе оставката меѓу споменатите два изборни круга на локалните избори.
Се разбира, тоа е само претпоставка, па професорот може веднаш да ја демантира оваа „лажна конструкција“. Но професорот, сепак, пред да седне и да ја демантира мојата претпоставка, да не заборави дека – „цело е кога има сè“.
Навистина, кој тоа на новиот капитен на македонскиот историски тим пред две години му вршеше политички притисок, па еве професоре по вторпат: Името, ве молам!
Професоре, не заборавајте – „цело е кога има сè“. Линк
Текстот е сопственост на Слободен печат