„Исламски Ватикан среде Албанија“, така веќе неформално ја нарекоа суверената држава која, како што најави премиерот Еди Рама, ќе му биде доделена на бекташкиот верски ред во Тирана.
Државата што ќе ја добијат Бекташиите во Тирана, со свои граници и пасош, ќе промовира толерантна верзија на исламот и „мирен соживот“ меѓу религиите, најави албанскиот премиер.
Претседателот на Врховното собрание на Исламската заедница на Србија, Мухамед Јусуфспахиќ рече дека Бекташите не се муслимани, туку го почитуваат култот на Али. Најавата на премиерот на Албанија за верска држава во државата ја објаснува преку идејата за паналбанизам.
Бекташите не практикуваат ислам и самите ќе кажат дека не се муслимани, објаснува Јусуфспахиќ.
Муфтијата објаснува дека „тие не го обожаваат Бога, а кога сакаат да бидат попрецизни велат дека го негуваат култот на Алија“.
Тие всушност се обожаватели на Алија. Тие ниту постат Рамазан, ниту ги извршуваат петте дневни молитви, ниту некој од муслиманските религиозни ритуали. Како што Алах објави во Куранот, тие не го прават тоа“, објаснува муфтијата.