Published: Sunday, February 22, 2015 12:20
Земјотрес со јачина од 3,6 степени според Рихтеровата скала синоќа во 22:21 часот го потресе Тузланскиот кантон во БиХ, објави Сеизмолошкиот институт во Бања Лука.
Како последица на земјотресот се урнал потпорен ѕид во тузланскиот рудник Дубраве, при што се случил одрон во кој според последните информации загинале четири лица, а едно било повредено.
Како што пренесуваат босанските медиуми тие со два трактори дошле во рудникот, каде во моментот на земјотресот незаконски ископувале јаглен.
Спасувачки екипи се обидуваат да дојдат до телата на загинатите со багери и друга механизација.