Хакерска група поврзана со руската разузнавачка служба ФСБ се обидела да упадне во системите на десетици западни политички институти, новинари, поранешни воени и разузнавачки функционери, американски компании и Министерството за енергетика, што ги надгледува нуклеарните програми, соопштија денеска Мајкрософт и американските власти.
Групата, позната како Star Blizzard, таргетирала жртви преку е-пошта кои се чинело дека доаѓаат од доверлив извор, но всушност, тие пораки бараа пристап до внатрешните системи на жртвите како начин да се украдат информации и да се попречат нивните активности.
Американскиот суд ги отпечати документите што ги овластуваат Мајкрософт и Министерството за правда да запленуваат повеќе од 100 домени на сајтови поврзани со Star Blizzard. Таа акција уследи по тужбата поднесена против неа од страна на Мајкрософт и Центарот за споделување и анализа на информации, непрофитна технолошка организација што го истражуваше Star Blizzard.
Властите не навлегуваа во детали за ефикасноста на Star Blizzard, но рекоа дека очекуваат Русија да продолжи да користи хакерски и кибер напади против САД и нивните сојузници.