Во создавањето на идни умни генерации, педагозите ја имаат клучната и најблагородна,но не и најблагодарна улога .При тоа,треба да бидат ослободени од стереотипите и предрасудите,од идеолошките и политичките митови и да градат мостови на разбирање меѓу сите млади независно од етничката припадност.
Тито Петковски
Колку гордо звучи зборот учител,професија која кај нас е една од нај потценетите,се разбира,неоправдано и крајно штетно.
По повод 5 октомври,Светскиот ден на наставниците, (учителите), исклучително важно е,државата и општеството радикално да го променат својот однос кон третманот и општествениот статус на учителот и образованието во целина.
Квалитетот на воспитно-образовниот процес зависи од многу фактори,но сепак,учителот, односно наставникот,го има централното место во тој процес. Современиот наставник повеќе треба да го насочува ученикот,наместо да му пренесува готови информации. Едновремено треба да биде и организатор,поттикнувач, насочувач,советодавец партнер,демостратор,медијатор и сл.
И уште најважно, во услови на мултиетничко и мултиконфесионално општество,учителите и училиштата од децата можат да создаваат демократи,слободоумни и критички настроени умови, но и фанатици,кратковиди, некритички личности,кои при тоа најчесто имаат разубавена слика за својот народ и неговата историја,а искривена и некритичка слика за припадниците на другите етнички заедници.
Во создавањето на идни умни генерации, педагозите ја имаат клучната и најблагородна,но не и најблагодарна улога.
При тоа,треба да бидат ослободени од стереотипите и предрасудите,од идеолошките и политичките митови и да градат мостови на разбирање меѓу сите млади независно од етничката припадност.
За создавањето на таков профил на учител или наставник,неопходни се многу предуслови,почнувајќи од соодветна селекција на студенти при запишување на педагошките факултети и завршувајќи со нивниот материјален и општествен статус,до ниво на највисок приоритет на државата.
Само писмена и образовена нација може да прави реформи и да го турка општеството напред.
Еден голем државник и реформатор,уште пред повеќе од 100 години забележал:
“Тешко на онаа држава во која министерот има поголема плата од учителот”!
Од Фејзбуј ѕидот на авторот