Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Амнестирани криминалци и нарко босови, Силјановска на денот на револуционерната борба го „почести“ со слобода припадникот на кланот Барон

0
By Marija Todorovska on October 23, 2024 ИЗБОР
СПОДЕЛИ
Facebook Twitter LinkedIn Email
Published: Wednesday, October 23, 2024 15:54

Шокантни се скандалозните помилувања од страна на претседателката Сиљановска Давкова. Давкова помилувала осудени криминалци, дел од нарко кланови, уапсени во големи полициски акции со заплени на оружје, пари и дрога.

Дестан Јонузи / Фронтлајн.мк

Опозициските СДСМ и ДУИ обвинија дека претседателката Гордана Силјановска Давкова и ВМРО-ДПМНЕ ослободуваат криминалци и нарко босови од затвор.

– Шокантни се скандалозните помилувања од страна на претседателката Сиљановска Давкова. Давкова помилувала осудени криминалци, дел од нарко кланови, уапсени во големи полициски акции со заплени на оружје, пари и дрога. Најшокантно е помилувањето на припадници на криминалниот нарко-клан „Барон“, како и роднини на познатиот Шенки. За дел од помилуваните има основани индиции дека се вмешани и во други кривични дела и криминални пресметки, како што беше пукањето во Чаир. Помилувани се и поранешниот градоначалник на Битола, Владимир Талевски кој беше во затвор по пресуда за случајот „Транспортер“ и Марјан Ефремов, првоосомничен во аферата „Шпион“, изјави Богданка Кузеска – портпаролка на СДСМ.

Со овие скандалозни одлуки, потенцира таа, Давкова застана во заштита на криминалците и нарко клановите.

– Ова е погазување на правото и правната држава. Ова е силен удар врз безбедноста на граѓаните и врз работата на полицијата и надлежните институции. Сето ова се случува во време кога се загрозува безбедносниот систем и со партизација на Агенцијата за национална безбедност. Осудени криминалци треба да се соочат со правдата а не да шетаат слободно и да хараат по улиците. Во услови кога на улиците има зголемени криминални пресметки, овие помилувања дополнително ќе ги охрабрат криминалците со што директно се загрозува безбедноста на граѓаните. Давкова го поткопува владеењето на правото и даваат сигнал дека секој што е под заштита на власта може да прави што сака. Ова е скандал од огромни размери и со сериозни последици за безбедноста на граѓаните, истакна таа.

СДСМ бара претседателката Силјановска Давкова веднаш да ја повлече скандалозната одлука.

Пратеникот на ДУИ, Илир Хасани изјави дека нема информации за лицата кои претседателката Гордана Силјановска ги помилувала, но нагласи дека мора да ја покаже причината за оваа постапка.

– Немам информации за дотичните лица кои се помилувани од претседателот, реално таа ќе треба да го даде своето образложение, иако овие помилувања не се оправдани, помилувањата од претседателот не се оправдани, но тие можат, имаме демократското право да ги толкува, нагаласи меѓу другото Хасани.

Од партијатa Левица ја окаракетризира како скандалозната одлука на претседателката Сиљановска да помилува криминалци кои се дел од познати нарко групи покажува дека и новата власт има „долгови” кон криминалното подземје.

– Токму Сиљановска во предизборието го обвинуваше Пендаровски дека помилувал член на кланот Барон, за вчера да одекне веста дека претседателката помилува уште еден криминалец од оваа група која го тероризира Скопје, велат од Левица.

Од друга страна ВМРО-Народна на Љубчо Георгиевски апелира до претседателката Гордана Сиљановска – Давкова да ги помилува и ослободи и затворените за случајот „27 април“.

– На 23 Октомври – Денот на Македонската револуционерна борба, со особена почит се сеќаваме на патриотите и визионерите кои го отворија патот кон слободна Македонија. Нивниот непоколеблив дух и стремеж кон слободна држава претставуваат темел врз кој е изградена нашата иднина. Нека ни служи како потсетник нивната храброст и солидарност како клучни вредности кои што треба да ги негуваме и понатаму, заедно градејќи поубаво и поправедно општество. Во исто време го искосристуваме овој голем ден да упатиме и апел до претседателката на С. Македонија да ги помилува и ослободи и затворените од случајот „27 април“. Нека е честит Денот на Македонската револуционерна борба! – велат од ВМРО-Народна.

Шенол Маслани кој пред 5 години беше уапсен во спектакуларна акција на МВР (се спомнуваа дрога, луксузни автомобили, напад врз полицаец и оружје), наместо 6 месеци во затвор, условна казна доби арачиновецот.

Тогаш по неколку часа во полициска станица, Шенол и неговиот брат Шенки Маслани – Версаче беа ослободени и прославија со музика во живо на социјалните мрежи. Денес е помилуван. За случајот со двајцата браќа немаше никакав информација во јавноста за текот на евентуалниот кривичен судски процес.

На листата на амнестирани објавен во Службениот Весник е и еден осуденик од предметите на СЈО. Поранешниот битолски градоначалник Владимир Талевски добил делумно ублажување на казната и намалување за една година затвор. Талевски е единствен политичар на претседателката листа на помилувани.

Најпроблематичен избор на претседателката Силјановска и нејзината Комисија за помилување е замената на 15 месеци затвор за условна казна за Акиф Равмановски попознат како Акиф Јусуфи од скопскиот клан „Барон“.

Бил осуден за недозволено поседување оружје кое било нелегално, а Равмановски алиас Јусуфи е дел од истрага за вооружен напад врз скопајнец кој се случи 8 дена пред да добие амнестија за државниот празник- Ден на националната борба.

На листата е и екс разузнавачот Марјан Ефремов кој беше осуден на висока казна затвор во контроверзниот случај Шпион. Беше вратен во затворот Идризово и зад решетки, но за празникот доби намалување на казната за 3 месеци.

Целосно ослободување односно замена на 1 година затвор за условна казна доби и охриќанецот Никола Трпчески.

Делумно ослободување добија осудениците Мухарем Али од Скопје (намалување од 2 месеци(, Тодор Попов од село Миравци (3 месеци), Томислав Симонов од Скопје (3 месеци), Перо Кузмановски од Градско, (3 месеци) и Живко Делиџаков од Богородица (три месеци).

Давкова за ТВ21 за помилувањата изјави дека: „Личностите се навистина интересни во негативна смисла, сега го гледам тоа“.

Текстот е сопственост на Фронтлајн

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.