Испадна дека е полесно човек да биде претседател на САД, одошто да биде кандидат. Тоа дополнително и ја влоши позицијата на Харис, бидејќи кај гласачите создаде впечаток оти Бајден не ја смета за дорасната за Претседател.
Тони Дескоски
Настрана од еуфоричните честитки за победата на Трамп и тажачките за поразот на Камала Харис, клучнната личност за исходот на овие претседателски избори во САД е сегашниот Претседател Бајден.
Неговата сериозно редуцирана способност за обавување на функцијата стана посебно очигледна за јавноста од средината на 2023.
Неговото инсистирање на кандидатура за втор мандат, значително му помогна на Трамп за добивање на Републиканската номинација, но и го блокираше процесот за селекција на кандидатот на демократите за Претседател. Згора на тоа, очигледната неспособност на Бајден, доведе прво до целосен пад на неговиот рејтинг и дури потоа до негово повлекување од трката во последен момент. За штетата по неговите демократи да биде уште поголема, заради кусокот на време, Камала Харис беше “октроирана” во кандидат, а не избрана на внатрепартиски избори.
Конечно, неспособниот за кандидатура Бајден, остана на претседателската позиција. Испадна дека е полесно човек да биде претседател на САД, одошто да биде кандидат. Тоа дополнително и ја влоши позицијата на Харис, бидејќи кај гласачите создаде впечаток оти Бајден не ја смета за дорасната за Претседател.
Двете кампањи беа успешни: онаа на Трамп успеа да го создаде големото водство пред повлекувањето на Бајден, а потоа и да го сочува истото до крајот. Кампањата на Харис пак успеа значително да ја намали почетната разлика и да доведе до неизвесен финиш.
Промената на власта е дел од американскиот демократски систем. Поразените учат од своите грешки. Промената создава простор за надеж за подобри времиња и поуспешни политики.
Од Фејзбук ѕидот на авторот