Значи НЕ ВАКА. Прво кажуваш дека не те изненадува што Северна Македонија има способен кадар и за најтешките функции во светски организации. Па не се изненадуваш дека тоа е кадар кој многу придонел за нашиот влез во НАТО. Дека ја цениш, во суперлативи. И на крајот, ја пофалуваш НАТО што го препознала тоа.
Емилија Целакоска
За новинарското прашање кон премиерот, зошто не честитал на Радмила Шеќеринска за изборот во висока функција во НАТО (ОД СТРАНА НА НАТО! – не го заборавајте тоа како фактор), одговорот на Мицкоски е ГРОЗЕН по најмалку 2 основи.
Прво, се искажува со смешна ароганција, речиси еквивалентно со поткревањето на пантолоните кога сите ракоплескаа во Собранието за влезот на Северна Македонија во НАТО, во период кога плукаше по „Северна” за овие неколку месеци да го лиже тоа. Безобразлукот број еден е што одговара небаре Владата воопшто имала опции да поддржи кандидат од ДРУГА ДРЖАВА! Гледајте што вика:
„Kако Влада, имавме предизвик за одлуката кого и како да го поддржиме за заменик-генерален секретар на НАТО, бидејќи имаше кандидати од неколку земји, рече премиерот Христијан Мицкоски, откако вчера Радмила Шеќеринска беше избрана за оваа функција.”
За потоа, веднаш да ретерира во тотално погрешна насока! За функција во НАТО не бира премиерот, бира НАТО, и тоа според знаење и способност, а не затоа што персоната Мицкоски мерела на тасот за колку патлиџани колку обединувачки тегчиња ставила! Муабетиве негови:
„Ние немавме никаква дилема тука, бидејќи честопати повикуваме на единство и на дијалог со опозицијата, но ако тоа не го правиме на дело, а повикуваме, тогаш тоа е лицемерие“, Мицкоски одговарајќи на новинарско прашање, откако вчера изостана официјална честитка од Владата и од Претседателката до Шеќеринска.
Е, дури на крајот е ок, но не доволно добро, особено што за тој дел медиумите индиректно го пренесуваат (се прашувам зошто):
„…Мицкоски рече дека за него националното единство и интересите се пред партиските интереси и дека е чест да се има Македонка за заменичка-генерален секретар во најмоќната и најдобро организираната алијанса во историјата.”
Значи НЕ ВАКА. Прво кажуваш дека не те изненадува што Северна Македонија има способен кадар и за најтешките функции во светски организации. Па не се изненадуваш дека тоа е кадар кој многу придонел за нашиот влез во НАТО. Дека ја цениш, во суперлативи. И на крајот, ја пофалуваш НАТО што го препознала тоа.
Се гадам од глупави искази за важни работи. Физички!
Од Фејцбук ѕидот на авторката