ЕУ е голем и моќен играч во меѓународната арена, и логично е да се очекува да прибегне кон погруб инструментариум за го издејствува исполнувањето на ветеното.
Тони Дескоски
Во известувањата од Советот за општи работи на ЕУ, коректно беа наведени овогодинешните заклучоци за проширувањето кои се однесуваат на Македонија.
Но, известувачите очигледно не „фатија” една нишка, која претставува огромна разлика во однос на она што во ЕУ се заклучило минатиот декември.
Оваа година, јасно и недвосмислено е подвлечено дека уставните измени се бараат од нас затоа ШТО САМИТЕ СМЕ СЕ ОБВРЗАЛЕ НА НИВ. Со други зборови, изречно (а не премолчно како досега), порачано ни е да го испорачаме тоа што сме го ветиле.
За разлика од тоа, до лани, имаше дипломатски фрази, при што само добрите познавачи можеа јасно да видат за што се работи, а јавноста баш и не.
Сега работите се ставени на ачик, што би се рекло, и од авион да се видат.
За очекување е притисокот на ЕУ во иднина само да расте, а речникот да биде се помалку дипломатски.
ЕУ е голем и моќен играч во меѓународната арена, и логично е да се очекува да прибегне кон погруб инструментариум за го издејствува исполнувањето на ветеното.
Таква е состојбата во меѓународните односи. За нашата дипломатија ќе биде сизифовски тешко да се справи со растечкиот притисок.
Од Фејсбук ѕидот на авторот