Една година по падот на режимот на претседателот Виктор Јанукович во Украина, се чини дека неговите поранешни соработници кои останаа во земјата умираат од чудна «епидемија», пишува Courrier International повикувајќи се на украинскиот неделник Oukraïnsky.
Од јануари до денес повеќемина од нив извршиле самоубиство. Последното самоубиство се однесува на Јевхен Пеклученко кој, според министерството за внатрешни работи, се самоубил во својот дом.
«Поранешниот гувернер на регионот Запорија од времето на Виктор Јанукович се самоубил со огнено оружје. Можеби стравувал затоа што требал да се појави пред судија за неговата улога во насилното растурање на луѓето кои протестираа и кои го поддржуваа движењето Еуромајдан. Врз некои од нив потоа имало тортура во јаннуари и февруари 2014 година», пишува неделникот.
Пеклученко е уште едно име на веќе долгата листа на поранешни високи функционери кои извршиле самоубиство, како Михаил Чечетов кој беше пратеник на Партијата на регионите на Јанукович и кој се фрлил од 17 кат од зграда на 28 февруари во Киев. Или Станислав Мелник, исто така пратеник од истата партија, кој бил пронајден мртов во својот дом на 9 март. Двајцата чекале пресуда за злоупотреба на власта.