Со месеци сведочиме на невиден хаос во македонското јавно здравство, предизвикан од неспособноста на Арбен Таравари и Владата на ДПМНЕ. Меѓу најпогодените од овој катастрофален менаџмент се онколошките пациенти, чии животи се директно загрозени, велат од СДСМ .
Тие бараат одговорност од директорката, Невена Маневска, и од министерот за здравство, Арбен Таравари истакнувајќи дека цел еден месец не функционира ниту единствениот државен ПЕТ-скенер, а претходно онколошките пациенти беа оставени без биолошката терапија.
Од ВМРО пак велат дека „станува збор за редовен сервис за промена на хепа филтри кои покажале заситеност и без кои процесот не може да тече, а за секоја промена законски мора да се направи реквалификација на чистите соби во одделеот за производство на радиоизотопи и синтеза на радиофармацевтици, а истовремено оваа процедура е неопходна за воведување нова метода во интерес на пациентите со цел зајакнување на дејноста“.