Израелскиот премиер Бенџамин Нетанјаху изјави дека му е жал заради изјавата на сметка на израелските Арапи која ја даде за време на изборите минатата недела. Нетанјаху беше обвинет за ширење на расизам во Израел кога предупреди дека „Арапите гласаат на купишта“, само еден час пред да се затворат избирачките места.
Нетанјаху чија партија Ликуд повторно победи на изборите, вчера се сретнал со членовите на арапската заедница во Ерусалим при што прифатил дека неговите коментари ја навредиле арапската заедница.
Нетанјаху потенцирал дека е свесен за неговите коментари кои ги навределе „некои израелски граѓани и членови на израелската арапска заедница“. Потоа додал:„Тоа не беше мојата намера. Жал ми е за тоа. Моите дела како премиер, вклучувајќи масовни инвестиции во малцинскиот сектор го докажуваат токму спротивното“, изјавил Нетанјаху, пренесува ББС.
Ајман Oјда лидер на Мешовитата Арапски листа – сојуз на израелските Арапи која обезбедени 13 места на изборите минатата недела, за израелскиот Канал 10 изјави: “Ние не го прифаќаме тоа извинување. Сакам да видам активност која ќе го подобри ова извинување. Дали тоа ќе ја подобри еднаквоста?”
Белата куќа упати остри осуди на неговите коментари. Портпаролот на Белата куќа Џош Ернист изјави дека „ САД е длабоко загрижен заради реториката со која се настојува да се маргинализираат израелските Арапи.
Во пресрет на гласањето, Нетанјаху, исто така, рече дека нема да дозволи создавање на палестинска држава ако повторно биде избран.
Од друга страна Централно-левичарската опозиција, Ционистичката унија, вети дека ќе ги подобри односите со Палестинците и со меѓународната заедница.
Мнозинството е за формирање на Влада
Досегашниот израелски премиер Бенџамин Нетанјаху си обезбеди мнозинство од 120 пратеници во новиот парламент , што ќе му овозможи да формира нова израелска Влада, соопшти кабинетот на израелскиот претседател.
„Најмалку 67 од 120 пратеници го подржаа Нетанјаху кај претседателот Ривен Ривлен за мандатор на новата Влада“, изјави портпаролот Џејсон Полрмен.
Претседателот Ривлен консултациите ги започнал во неделата иако во среда ќе бидат објавени конечните официјални резултати од изборите кои се одржаа на 17 март, кога Нетанјаху ќе го добие мандатот за состав на новата Влада.
Победата на Ликуд
На изборите Ликуд доби 30 места, на второ место со 24 места во Парламентот е Ционистичката унија, а Коалицијата на арапски партии е на трето место со 13 пратеници.
Нетанјаху има подршка од своите застапници од Ликуд, од две националистички партии:Еврејскиот дом и Израел Бејтин, две ултра ортодоксни партии Шас и Тор, како и партијата на десниот центар Кулан.
Ниту една партија досега во израелската современа историја не успеала сама да состави Влада. Во израелскиот изборен систем мандатарот за состав на Владата не мора да е носител на листата која освоила најмногу гласови, туку тој кој што може да направи коалиција со други групи во парламентот.
Инаку, израелските Арапи, потомци на 160.000 Палестинци кои останаа во Израел, државата која беше создадена во 1948 година, претставуваат околу 20% од израелското население.