Надземните објекти за збогатување ураниум во иранската нуклеарна централа „Натанз“ се уништени, потврди денеска Рафаел Гроси, шеф на Меѓународната агенција за атомска енергија (МААЕ), во изјава пред Советот за безбедност на ОН.
Информирани сме од иранските власти за напади врз два други објекти за збогатување нуклеарно гориво во Фордоу и во Исфахан. Во овој момент немаме доволно информации освен што можеме да потврдиме дека имало воена активност и околу овие објекти, рече Гроси.
Огромниот нуклеарен комплекс Натанз е главниот објект за збогатување ураниум во Иран. Се состои од подземен објект за збогатување ураниум и надземен оперативен дел.
Експертите на ИАЕА кои ги анализирале достапните сателитски снимки велат дека штетата врз нуклеарните постројки на Иран од првиот бран израелски напади сепак се чини ограничена.
„Не можеме да видиме никаква видлива штета кај Фордо или Исфахан. Има штета во Натанз“, изјави нуклеарниот експерт Дејвид Олбрајт.
Но, „нема докази дека подземниот сегмент од постројката е уништен“, додаде тој.