Вашингтон: Американскиот Врховен суд донесе одлука со која на администрацијата на Доналд Трамп ѝ се овозможува веднаш да ја укине хуманитарната заштита за околу 350.000 Хаиќани и 6.000 Сиријци кои легално живеат во земјата, со што се отвора пат за нивна депортација.
Одлуката, донесена со шест гласа „за“ и три „против“, ги поништува одлуките на пониските судови и претставува голема победа за имиграциската политика на Доналд Трамп, пишува „Еуроњуз“.
Со одлуката во предметот „Малин против Доу“, конзервативното мнозинство во судот практично им даде неограничена моќ на имиграциските власти да ја завршат програмата за привремен заштитен статус, оценувајќи дека судовите немаат основа да интервенираат.
Ова е последна во низата победи што администрацијата на Трамп ги оствари пред Врховниот суд во однос на имиграцијата. Таа доаѓа истиот ден кога судот донесе и посебна одлука со која се отвора пат за повторно воведување политика за ограничување на барателите на азил.
Тој ги опиша тие коментари како недоволни за да се покаже дека укинувањето на статусот за Хаиќаните било засновано на расната припадност на хаиќанскиот народ.
Судијката Елена Каган беше остра во своето издвоено мислење.
Доказите што беа презентирани вклучуваат изјави на претседателот кои се толку одбивни и расно обоени што мнозинството судии одбива да ги цитира во писмена форма, напиша таа, додавајќи дека пресудата значи дека стотици илјади животи ќе бидат „искорнати од корен, најчесто трајно.
Организацијата „ФВД.ус“ предупреди дека, покрај човечката цена, одлуката ќе има и економски последици. Според организацијата, околу 200.000 хаиќански корисници на привремен заштитен статус се дел од американската работна сила, меѓу кои 15.000 земјоделски работници и 13.000 медицински сестри, кои заедно придонесуваат во економијата на САД со проценети 5,9 милијарди долари.