Советот на Европа, паневропската организација со седиште во Стразбург, заклучи дека во Македонија е потребна сериозна истрага на содржината на снимките и враќање на опозицијата во Собранието каде што треба да се формира истражна комисија за целата криза и нејзините причини. Истовремено Советот на Европа топло го поздравува движењето на студентите и младите граѓани како “прво мултиетничко движење” во земјата.
Во Македонија неделава, на 28 и 29 април, престојуваа тројца пратеници од Комитетот за мониторинг на Парламентарното собрание на Советот на Европа. Стефан Шенах од Австрија, Роберт Валтер од Велика Британија и Андреас Грос од Швајцарија испратија соопштение од нивната мисија во Македонија во кое ја изнесуваат истата загриженост за политичката криза како Германија, САД или ЕУ.
«Уверени сме дека е голема грешка да се бојкотира Парламентот што не е добра политичка позиција, ние исто така сметаме дека легитимната загриженост и проблемите што ги пренесува опозицијата – а кои беа искажани во претхидните извештаи на Парламенатрното собрание на Советот на Европа – мораат да бидат решени. Претставниците на граѓанското општество и новинарите кои ги сретнавме ни изнесоа дека во земјата има клима на страв и заплашување што исто така е предмет на нашата загриженост», вели сооопштението на Советот на Европа.
Делегацијата на Советот на Европа ја осудува употребата на снимениот што го објавува опозицијата но е исто така загрижена за прислушувањето кое со години се одвивало во земјата. «Ова можеби е наследство на еднопартискиот систем на поранешна Југославија кој се чини никогаш не прекинало. Ние сме загрижени и за содржината на објавените материјали од страна на опозицијата и сомненијата за нарушување на основните демократски принципи како независноста на судството и медиумите и фер избори. Сето тоа фрла соменение врз целиот демократски систем», вели соопштението на Советот на Европа и додава дека секое сомнение мора да биде сериозно и длабоко истражено.
Оваа организација бара од обвинителот сето ова да гои стражи и бара од властите да прифатат експертиза и совет од меѓународните организации за да се биде сигурен дека истрагата ќе биде длабока и независна. Пратениците од Стразбург сметаат дека сите можности за излез од кризата се уште не се искористени и се залагаат за формирање истражна комисија со Собранието и зајакнување на демократската контрола на службата за разузнавање.
Конечно, тие упатуваат повик до властите серизно да ги земат во предвид барањата на студентите и младите граѓани и да се вклучат во интерактивен дијалог со нив. Тие сметаат дека «ова е прво мултиетничко движење и ова топло го поздравуваме», вели соопшението на Советот на Европа изразувајќи надеж дека ова движење нема да биде политички злоупотребено.
Посетата на овие тројца пратеници беше исцпрно покриена од страна на медиумите блиски до владата. За жал, нивната целосна порака не беше коректно пренесена.