Граничниот премин Евзони кон нашата земја за влез и излез од Грција и денеска ќе биде затворен за сообраќај за сите возила во периодот од 11 до 15 часот и од 17 до 21 часот по македонско врем, поради блокадите поставени од грчките земјоделци.
Земјоделците кои од 1 декември со нивните трактори се на граничниот премин, и денеска, исто како и вчера најавуваат две четиричасовни блокади на границата за влез и излез од Грција на патнички и товарни возила.
Првата блокада ќе трае до 15 часот по македонско време, по што границата ќе се отвори на два часа, а земјоделците одново ќе го затворат граничниот премин от во наредните 4 часа, јавува МИА.
Во деновите околу Божиќ беа отворени автопатишта и гранични премини, а земјоделците од вчера одново ги вратија блокадите на низа локации во цела Грција и се очекува и за Нова година, односно од вторник до петок одново да се тргнат блокадите, за да се олесни патувањето на граѓаните, но сепак тракторите ќе останат паркирани во една од коловозните ленти.