Зоран Иванов
Во Владата размислувале да купат авион и блиндирани аута.
Баталете таа замисла.
Дечки во владата, не се чаламете и не трошете државни пари за непродуктивни државни луксузи.
Ич не ви треба владин авион.
Ич.
Авионите се скапа играчка.
Рационалната и евтина варијанта е кога ќе ви притреба да изнајмите.
Има сервис центри за изнајмување авиони и блиндирани аута и во соседството и малку пошироко. Ги има колку сакате.
Ем евтино и рационално ем ефектно.
Тоа пак колку се потепаа странскиве држави да не` канат на официјални билатерали или колку па се затрчаа, се потепаа да ни доаѓаат во посети за да ги возикаме од аеродром до Влада и Водно во блиндирани аута, тоа е друга тема за другпат.
Оваа е за авионот.
А тие, авионите, се за побогати и за подинамични држави кои можат добро да ги чуваат и редовно да ги одржуваат согласно стандардите на производителот и прописите на воздухопловните власти.
Авионите летале, не летале исто им е.
Ресурсот не им е толку во часовите летање колку во времето џабе поминато на земја.
И не пилотите туку прашајте ги авио механичарите за совет, тие нај реално ќе ви кажат.
За блиндираните возила исто.
Изнајмувајте зашто и за нив важи истата формула.
Поевтино е и друг ќе им го бере гајлето и за нивното прескапо одржување.
Баталете тоа занесот како тој кога жабата си умислила дека е коњ.
Ова, освен …
Освен ако поривите да се лета муфте и онака за ќеиф од бес или поради неостварени детски соништа од времето на „чичко пушти летки“, се посилни и од разумот за тенкиот државен буџет и посебно за актуелната македонската социјална слика, за оваа европски нај бедна.
Владионот авион, секако е алатка корисна за некои од владините и воопштои државните функции и потреби .
Но кога на барање на јавноста од владата не одговараат, не објавуваат список на патниците за Сплит на пример, па и на оној лет за Прага, па и на оние купче за Будимпешта, па и на …., и на …, ете ги сомнежите за злоупотреба на потребната државна алатка.
За потсетување е дека само до пред година и пол, летовите на авионот кој се води како сопственост на македонската влада, а со кој стопанисува Службата на Владата за општи и заеднички работи – СОЗР, можеше да се следи на наменски веб-сајт но, од минатото лето, дали токму од пред летот Скопје – Сплит во август лани, овие податоци веќе не се јавно достапни.
Но, вистината, нели, е како шило и кога тогаш таа ќе изрти во јавноста.
Впрочем, меѓународен стандард и со меѓународни но и со домашни прописи во цивилната авијација е озаконето дека сопственикот на воздухопловот или организаторот на летот е должен да изготвува планови пред секој лет и да депонира извештаи после секој лет.
Во тие задолжителни хартии се задолжителни податоците како за подготвеноста, за исправноста на леталото, за нивото на горивото и маслото, за часот на полетување и на слетување, за … и, задолжително, и список со точни персонални податоци за посадата и за патниците.
Со име и презиме и без исклучо за секој во авионот.
Па, ете им шанса и на СОЗР и на Владата да се исправат пред прашањата на јавноста за тоа кој кога каде и со кого летал наваму – натаму со народниот авион Z3-MKD.
И, за да не го заборавам насловот, потсетувам на темата од почетокот на текстов – не трошете пари на чалам освен, освен ако коренот за авио поривот сепак тлеел некаде наназад во детството.