Дури 63 проценти од учениците во Босна и Херцеговина сметаат дека луѓето со хомосексуална ориентација немаат право на јавно изразување на својата сексуална ориентација, а 49 проценти од нив се чувствувале непријатно во друштво на таква личност.
20 проценти од средношколците сметаат дека вербалното насилство врз лицата со хомосексуална ориентација е оправдано, а 19 проценти од нив го оправдуваат физичкото насилство врз овие личности.
Ова видео е направено како дел од кампањата по повод Меѓународниот ден против хомофобија и трансфобија. Кампањата ја води Отворениот центар во Сараево и фондацијата Медиацентар во склоп на проектот за унапредување на правата на ЛГБТ луѓето во Босна и Херцеговина.
“Имам толку многу да кажам, но нема на кого да се доверам. Вистински пријатели е многу тешко да се најдат, но мислам дека на неа можам да и верувам. Сепак, незнам како ќе реагира. И да и кажам, не знам како ќе реагира, се плашам дека ќе им каже на другите. Најлошо од се е што се плашам дека таа самата ќе ме отфрли „вели една девојка додека на нејзиното лица се гледаат модрици од тепање.
Проектот е во согласност со стандардите на ЕУ, а е финансиран од Европската Унија со финансиска подршка на Фондацијата Астреа.