Започна протестот на движењето #протестирам. Демонстрантите се собираат на крстосницата помеѓу булеварите „Илинден“ и „Св. Климент Охридски“ во близина на владата од каде што ќе продолжат да маршираат до Министерството за правда, а потоа до библиотеката „Браќа Миладиновци“ каде што на 5 мај упадна полицијата за да приведува млади лица кои ги сомничеше за учество во толпа која предизвикала нереди.
Движењето денеска обележува еден месец од насилните протести во кои што беа приведени многу млади лица, а неколкумина добија условни и затворски казни.
Движењето, исто така, е постојано активно, а во јавноста е препознатливо по нивните герила акции, како онаа со пломбирање на институциите и потерниците на скопскиот аеродром со лицата на Сашо Мијалков и Миле Јанакиески, екс функционери.