Владејачката партија ВМРО ДПМНЕ во моментов прославува 25 години од своето формирање на плоштадот кој го носи името ВМРО пред новото седиште на партијата во центарот на Скопје.
На плоштадот се собраа илјадници граѓани кои ги веат партиските знамиња. На прославата ќе се обратат повеќе високи партиски функционери и лидерот на партијата и актуелен премиер Никола Груевски.
Денеска свечено ќе биде отворено новото седиште на партијата. Зградата ја градеше компанијата „Бетон“ и се наоѓа на местото на старата жолта зграда којашто долги години беше седиште на партијата. ВМРО ДПМНЕ успеа значително да ја зголеми основата на зградата која што првично целата беше 400 метри квадратни за што беа направени и промени во урбанистичкиот план и на тој начин се стекна со околу 4.000 метри квадратни деловен простор. Од партијата тогаш соопштија дека целиот трошок за изградба ќе биде на грб на инвеститорот, а партијата за возврат ќе добие 30 проценти од просторот.
фотографија од внатрешноста на партиското седиште која се појави на порталот први.мк
