Продажбата на диеталниот сок драматично опаѓа, покажуваат последните резултати на Кока Кола компанијата. Во споредба со истиот период минатата година, продажбата се намалила за 7 отсто, а опаѓањето на заинтересираноста за диетален сок започнало уште во 2008 година.
Како можни причини кои ги посочуваат аналитичарите, е зголемената свест кај потрошувачите за ризикот кој го носат засладените пијалоци.
Евромонитор, во 2013 година забележува дека „додека свеста кај потрошувачите расте во однос на ризикот кој го носи исхраната со многу шеќер, содржината на шеќер во нормална Кока Кола може да ја успори компанијата бидејќи агендата на потрошувачот на големо бара поздрава храна и пијалок“.
Сенди Даглас, претседател на Кока Кола за Северна Америка вели, падот на продажбата на диеталната кола е поврзана со побарувачката на свежа храна и пијалоци.
Таквиот тренд пак ја стимулираше компанијата Пепси да ги извади вештачките засладувачи од диеталното Пепси, и во 2014 го претстави Пепси Тру, кој има 30 отсто помалку калории од нормалното Пепси шише, а како засладувач се користи природен засладувач кој се нарекува „стевиа“.
стевиа
Во април го смени вештачкиот аспартам, за кој се дискутира дека е стимулатор на рак во мозокот, со сукралоза. Но и нивниот диетален сок доживеа пад на продажбата.
Поради стравот од супстанциите на шеќер кои се користат при диеталниот сок, потрошувачите кои го избегнуваа шеќерот и купуваа диетални сокови, сега се враќаат на нормалниот сок.
Според Евромонитор, помеѓу 2007 и 2012 година, пад на диеталните сокови имаше и во Франција, и во САД, додека порасна потршувачката на т.н Зеро.
Една лименка нормална Кока Кола содржи 35 грама на шеќери, или 39 отсто од дневната препорака за консумирање шеќер.
И диеталната кола и Зеро немаат шеќери во нив, но содржат вештачки засладувачи.
Кока Кола Лајф од друга страна содржи 22 грама, односно 25 отсто од препорачаната консумација, бидејќи како засладувач се користи стевиата.
– Со тоа што ја претставивме Кока Кола Лајф, на луѓето им дадовме избор кој многу помалку содржи шеќер и калории, нотираа од Кока Кола, потенцирајќи дека со тоа се убива продажбата на диеталната кола.