Во време кога дел од човештвото се уште се буди за да ја сфати ситуацијата на бегалците кои ги напуштаат своите земји поради воените конфликти внатре, многумина го поставиле прашањето зошто Европа? Зошто тие не емигрираат во богатите земји од Заливот?
Многумина од Сиријците со текот на годините преминале во Либан, Јордан и Турција, но влезот во Арапските земји и не им е така едноставен.
Со цел еден Сиријец да се најде во земјите од Заливот, тој може да аплицира за работна дозвола или туристичка виза. Се работи за еден процес за кој се потребни многу пари, но земјите се чини им го отежнуваат патот на луѓето поставувајќи им непишани правила како тие би добиле виза.
Најуспешните приказни за Сиријци кои се во овие земји, се за некои кои влегле пред сегашнава криза, и кои го продолжиле својот престој таму, најчесто заедно со фамилиите.
Без виза, на Сиријците не им е дозволено да влегуваат во Арапските земји, освен во Алжир, Мавританија, Бахреин, Судан и Јемен.
Со хаштаг #Welcoming_Syria’s_refugees_is_a_Gulf_duty, речиси 40.000 повици на Твитер изминатава недела, беа упатени до Саудиска Арабија, Катар, Оман, ОАЕ, преку кои корисниците објавуваа фотографии од Сиријските бегалци удавени во морските води, и деца заглавени на бодликави жици.
На едно од видеата на кои се гледа како бегалците преминуваат од Унгарија во Австрија, еден од корисниците пишува: „Зошто ги напуштаме браќата Муслимани од регионот, кога треба да преземеме многу поголема одговорност од една земја која ги нарекува „неверници“?“
Саудискиот дневен весник „Мака“, неодамна објави цртеж кој беше широко споделуван низ социјалните мрежи во кој човек во традиционална арапска облека, заштитен со бодликава жица, покажува кон вратата на ЕУ. „Зошто не им дозволувате да дојдат вие ужасни луѓе“, е циничната негова порака.
.jpg)
Сепак за сега придонесот на заливските земји е неприметлив, речиси никаков.
Трендот во повеќето земји од Заливот, како што се Кувајт, Саудиска Арабија, Катар или Обединетите Арапски Емирати, кога се работи за вработување е насочен кон работници од Југоисточна Азија. Ова особено кога се работи за ниски работни места.
Работни места за луѓето од регионот, а кои не се од заливските земји, има во здравствениот и образовниот систем.
Сепак за сите нив тешко е да останат сигурни во овие земји, бидејќи е речиси невозможно да добијат нивно државјанство без разлика колкав е нивниот престој во овие земји.
Кувајт на пример во 2012 година објави стратегија според која, ќе го намалува бројот на странски работници за еден милион во наредните 10 години.
Како и да е, медиумите кои се во близина на Сирија и понатаму продолжуваат да ги поставуваат прашањата кон овие земји, за кои велат имаат голема одговорност за Сиријците, бидејќи особено последните четири години се појавија многу џихадистички групи, кои го ставаат целиот регион под закана.