Сиријците бараат помош од Интернет. Гугл наведува дека луѓето најчесто ги бараат најблиските болници, како да ги лекуваат изгорениците и како правилно се изведува вештачко дишење. Не е ни чудо што Сиријците сакаат да избегаат. Најзастапените термини се поврзани со „Патот кон Европа“ или поточно, како да стигнат до Германија.
Двата најпребарувани поими се „Миграција во Германија“ и „Азил во Германија“. Сиријците се обидуваат да дознаат како да стигнат до таму. Најпрво преку море, пребарувајќи „Мапа на Грција“ и „Морето помеѓу Турција и Грција“. Сиријците исто така пребаруваат „Мапа на Европа на арапски“ и „Мапа на Германија“.
Тие се обидуваат да проценат која е најдобрата рута, пребарувајќи ја далечината од Одрин до Измир, далечината помеѓу Измир и Истанбул, а потоа и далечината помеѓу Турција и Грција. Тие потоа ја пребаруваат далечината помеѓу Македонија и Србија.
Бидејќи Унгарија прогласи вонредна состојба, не им дозволува влез на бегалците, Гугл покажува дека голем дел од Сиријците пребаруваат„Вести во Унгарија“ и „Сириските бегалци во Унгарија“.
И додека војната во земјата продолжува да носи нови жртви, очигледно многу од Сиријците, одговорите ги бараат на Интернет за време на несигурност.