Синдикатот на клиниките бара 24. часовно обезедување, а директорите да се однесуваат со должна почит кон лекарите и останатиот медицински персонал , да не ги надминуваат ингеренциите на функцијата која ја вршат.
Од синдикатот го осудуваат вчерашниот инцидентот во кој беше пукано во абдоменалниот хирург Љубомир Огненовиќ и сметаат дека сето тоа е резултат на долгорочната политика во здравството која доведе до деградирање и омаловажување на лекарите и останатиот медицински персонал.
„ Сето таа политика во која опремата и едукацијата на докторите се на прво место , доведоа до уништување на достоинството на лекарите и преставува невидена хајка “, велат од Синдикатот на клиниките.
Закани и притисоци имало денеска од страна на директорите на скопските хируршки клиники кон лекарите кои денеска не сакаат да оперираат во знак на револт кон нивниот колега во кој беше пукано вчера од синот на почината пациентка, дознава НОВА од извори на клиниките. Еден од хирурзите добил закана од директорот дека ќе добие отказ од работа доколку не влезе да оперира.
Според информациите на НОВА директорите биле повикани кај министерот Тодоров, по што било кажано дека не смее да има застој на операциите.
И покрај тоа некои од лекарите оперираат она што е на редовна програма , други не сакаат да ја прифатат наредбата на нивните надредени, а на некои клиники се оперираат само итните случаи. Во меѓувреме министерот Тодоров, претседателот на Лекарската комора Кочо Чакаларовски и на Македонското лекарско друштво Горан Димитров, се подготвуваат да потпишат декларација за дигнитетот на лекарите.
Хирургот Љубомир Огненовиќ во кој беше пукано вчера е хоспитализиран на клиниката и неговата здравствена состојба е стабилна. Во него беше пукано со три куршуми во ногата. Неофицијално, хирургот размислува за можноста да ги тужи некои од порталите кои објавија информација дека тој земал мито од 20 000 евра од синот на починатата пациентка.