– СДСМ продолжува да живее во паралелен универзум. Во тој паралелен универзум постојат три индустриски зони во Струмица и 3000 вработувања кои ги вети Заев.
Во тој паралелен универзум СДСМ нема подигано стотици милиони евра за кредити кои Македонија ги враќа и ден денес, а граѓаните ги виделе единствено на сликите од хациендите, јахтите и скапите автомобили на раководството на СДСМ, се вели во реакцијата на Вмро- ДПМНЕ, на соопштението од СДСМ во врска со задолжувањето од страна на актуелната власт.
Надвор од паралелниот унивеерзум на СДСМ, се наведува во партиското соопштение, „во вистинскиот живот во кој се живее, се работи и конечно – се гласа, ВМРО-ДПМНЕ отвори 140.000 нови работни места, донесе повеќе до 50 странски инвестиции, вложува речиси една милијарда евра во патиштата, 600 милиони евра во железницата, гради нови училишта, сали, градинки, театри, базени, купува нови автобуси, сади милиони дрва“.
Од ВМРО- ДПМНЕ наведуваат дека „и покрај сите вложувања во државата кои народот ги гледа секојдневно, владата на ВМРО-ДПМНЕ успеа да го намали јавниот долг за 0,7% од долгот што го остави СДСМ, пари за кои СДСМ ја задолжи државата, пари кои ги враќаат граѓаните на Република Македонија и ден денес, а беа искористени за изградба на големото ништо на СДСМ“.
– Тоа е реалноста. Во реалноста, а не во паралелните универзуми на
СДСМ, има уште само 153 дена до нивниот десетти јубилеен пораз по ред на
изборите, со кој веројатно ќе влезат во гинисовата книга за најпоразувана партија по ред на избори, на која упорно за неуспехот и е виновен народот кој греши и кого СДСМ го нарекува „овца“ и „стока“, с енаведува во соопштението.