Македонскиот премиер вели дека ќе биде отворена за промена на името на својата земја, зголемувајќи ги надежите за крај на еден од повеќето невообичаени дипломатски расправии во светот – 24-годишниот спорот со Грција, пишува денешен Гардијан цитирајќи извадоци од интервју со премиерот Груевски.
Како што пишува Гардијан, Груевски изразил подготвеност за повторно отворање на дијалогот со Грција нагласувајќи дека било каква промена на името ќе биде ставена на рефередум.
“Ние сме подготвени да разговараме, да се отвори дијалог со нив, како и да се најде некакво решение”, рече Груевски во интервју за Гардијан.
Ние би сакале што е можно побрзо да се оди на дијалог со Грција за изнаоѓање решение, а ако се најде решение треба да се организира референдум за да се изјаснат граѓаните дали го прифаќаат тоа решение или не, рекол Груевски за Гардијан.
Во својот текст Гардијан цитира дипломатски извор од Грција кој вели дека официјална Атина бара географска одредница како решение кое ќе се користи за сите употреби.
Гардијан исто така вели дека како опции се разгледуваат додавките „Горна“ или „Нова“ но дека засега се уште не постои согласност.
Утре, министерот за надворешни работи Никола Попоски е во Атина, во прва официјална посета на еден шеф на македонска дипломатија, по повеќе од една деценија. Во интервјуа за грчките весници „Катимерини„ и „Реал“, Попоски вели дека „условите за решавање на спорот за името се повеќе од созреани“ и дека ова нема да биде само формална посета и средба со грчкиот министер Никос Коѕиас.
Според Попоски, „Македонија има направено голем број компромиси, но и покрај тоа листата на барања од грчка страна за отстапки изгледа бесконечна“. Од друга страна ја критикува Грција, дека тамошната Влада “заборава на тоа дека не смее да го блокира приемот на Македонија во Европската унија и во НАТО“.
Вчера, членот на собраниската Комисија за надворешна политика, Софија Куновска изјави дека се работи за „димна бомба со која треба да се претстави конструктивноста на македонска страна во грчко-македонскиот спор“, откако министерот Попоски не се појави на седницата на која требаше да ги информира за најновите случување по ова прашање.
– Она што е интересно е да се препознаат двојните аршини, а тоа е дека промената на знамето и прифаќање на референцата од СДСМ за домашна употреба се користи како аргумент против, а додека во разговорите со Грција се претставува како конструктивност. Тоа е таа политика на двојни аршини што не е заеднички интерес кој може да не доведе до посакуваната цел, рече Куновска.
Во меѓувреме, грчките медиуми, повикувајќи се на неименувани извори, објавија дека в четврток Коѕиас на Попоски ќе му презентира неколку идеи за надминување на решението на прашањето за името, нешто што шефот на грчката дипломатија веќе го најавил за време на посетата на Скопје во јуни. Истите извори велат дека тоа сепак нема да бидат предлози од типот„земи или остави“, туку дека до договор мора да се стигне преку компромис прифатлив за двете страни.
Вчера, пак, грчкиот претседател Прокопис Павлопулос ги предупреди Турција и Македонија дека членството во Европската унија подразбира почитување на европските вредности и принципи. Во однос на Македонија, тој истакнал дека двете земји не може да живеат и коегзистираат во рамките на ЕУ во услови на фалсификување на историјата. Тоа, според него, како што пренесуваат грчките медиуми, Македонија мора да го сфати и да го почитува.