По затворањето на гласањето во пет изборни единици во Дом на слепи, во Круме Кепески и во месната заедница Пржино во општина Кисела Вода имало прекин на струја точно во моментов на затворање на гласачките места, како и во текот на броењето на гласовите, информираат од граѓанската асоцијација МОСТ.
Според нив, во две изборни единици во Ѓорче Петров снемало струја во текот на броењето на гласачките ливчиња.
Од МОСТ се уште немаат информација дали има промена на состојбата таму.
На гласачко место во Струга, забележани се 27 случаи на семејно гласање. Во Тетово 30 случаи.
Во Студеничани 23 гласачи имале биометриски лични карти но, ги немало во избирачкиот список.
Во Прилеп две лица сликале гласачки ливчиња, реагирала полицијата, имало прекин на гласање по десет минути.
На две гласачки места во Тетово имало семејно гласање, на првото 30 случаи, а на второто 15 случаи. Во Валандово, МОСТ забележале 10 случаи на семејно гласање.
Во Гази баба на 3 изборни единици, вкупно 80 лица не се нашле на избирачки список.
Во Тетово малолетно лице сакало да гласа со туѓа лична карта, а му издале гласачки ливчиња, откако ја увиделе грешката ги поништиле гласачките ливчиња и ги ставиле во гласачката кутија.