Пропагандни онлајн сајтови кои лажно се претставуваат како информативни го преплавија Интернетот во последните неколку месеци и голем дел од нив потекнуваат од Македонија, пишува американскиот весник Егзаминер.
Овие пропагандни сајтови се наводно дизајнирани за да ги насочат неодлучените гласачи кон претседателскиот кандидат Доналд Трамп, додека го клеветат неговиот сериозен опонент Тед Круз.
Во пресрет на партиските избори во Висконсин на пример, поддржувачите на Трамп на социјалните медиуми постојано постирале она што на прв поглед изгледало како валидни новински извештаи, кои правеле лажни обвинувања дека гласовите од електронските машини за гласање се префрлале од Доналд Трамп на Тед Круз.
Оваа конкретна лажна приказна, потекнува од сајтот UnitedMediaPublishing.com, и потоа била дистрибуирана на сите социјални медиуми. Но лажната приказна потоа била и цитирана како извор на другите про -Трамп пропагандни сајтови, кои се споделувале на социјалните медиуми.
Анализа подготвена од Џон Даниелс, кој е уредник на Tavernkeepers.com за американскиот весник Егзаминер утврдила дека неколку сајтови кои прават пропаганда за Трамп потекнуваат од Македонија, земја која се граничи со Грција.
Според весникот, користејќи го сајтот ICANN WHOIS, Даниелс го утврдил регистрирање, датата на основање и локацијата на следните веб сајтови:
– Usanewsflash.com
– 365usanews.com
– worldnewspolitics.com
– Usapoliticsonline.com
– worldpoliticus.com
– USAdailypolitics.com
Весникот пишува дека е во најмала рака чудно што сајтовите имаат потекло од јужноисточна европска земја, особено ако се знае алијанската помеѓу Трамп и про-руските конзервативни медиумски центри како InfoWars и Michael Savage.