Ерван Фуере поранешен амбасадор на ЕУ во Македонија се огласи со анализа за проширувањето на ЕУ со фокус на Македонија наменета за Центарот за европски полтички студии од Брисел. Во анализата Ерван Фуере се осврнува на актуелните случувања во Македонија како и нејзината перспектива во процесот на европските интеграции.
“Најновите случувања, како и неподготвеноста на владата да промовира дух на компромис, доведоа до натамошна ерозија на основните демократски вредности и стандарди во земјата, како и продлабочување на недовербата во веќе длабоко поделеното општество” вели Ерван Фуере во својата анализа.
Фуере разовјот на полтичката ситуација го анлизра во светло на инцидентите кои се случија на 24 декмври минатата година кои според него се само кулминација на подолгорочното одсуство на полтички дијалог во општеството.
“Присилното исфрлање не само на сите новинари, но исто така и на опозиционите пратеници од Собранието на 24 декември, беше трагичен потсетник за континуираниот неуспех на владата предводена од Груевски, да се вклучи во каков било значаен политички дијалог во текот на изминатите години” пишува Фуере.
Еден од позначајните проблеми според Фуере кои ја оневозможува демократизацијата и развојот е состојбата во сферата на слободата на медиумите. Повикувајќи се на заклучоците не меѓународните организации Фуере вели:
“Пораките од ЕУ, секогаш се искривени од страна на владино контролираните медиуми, додека некои од независните новинари кои не го прифаќаат тоа, се предмет на континуирано заплашување и малтретирање. Ова само по себе е шокантно обвинение за сегашната влада во Македонија” пишува Фуере во анализата посветена на проширувањето на ЕУ со фокус на Македонија.
Тој исто така се осврнува на договорт постигнат во март за надминување на полтичката криза а со посредство на комесарот Филе и европратеникот Ховит. Фуере како што самиот тврди со оглед на севкупните состојби не е оптимист дека овој договр ќе доведе до стабилизација на полтичката сцена на подолг рок.
“Договор беше постигнат после многу часови на долги дискусии, а понуди привремено прiмирје. Обезбедува прекин на бојкотот од опозицијата, и учество на локалните избори во замена за ветување од владата за започнување разговори со опозицијата по локалните избори, со цел одредување датум за одржување предвремени парламентарни избори. Второво беше едно од главните опозициски барања (последните избори се одржаа во 2011 година). Постигнатиот договор, исто така, предвидува дебата за состојбата на демократијата во земјата, како и поставување на комисија за истрага на настаните од 24 Декември. Минатото искуство сепак би укажало на тоа дека по изминувањето на локалните избори, ќе биде потребно многу малку за неуспех на овој несигурен компромис” вели Фуере.
Тој понатаму во оваа анализа им сугерира на европските институции да обрнат поголемо внимание на реформските процеси кои според него се ставени во сенка на спорот со името.
“Иронично, спорот за името со Грција е тоа што најмногу го привлече вниманието во дебатата за пристапот на Македонија кон ЕУ, што обезбедува пригодно жртвено јагне за сегашната влада во пренасочувањето на вниманието од сериозната внатрешно-политичка ситуација и недостатокот на подготвеност да се ангажира во било каков политички дијалог” пишува Фуере кој на крајот од оваа опсежна анализа како излез и спас од актулената ситуација предлага старт на преговри за членство.