Хелсиншкиот комитет за човекови права на Република Македонија ги известува сите граѓани дека на ден 07.04.2013 (недела) канцеларијата на Kомитетот повторно ќе биде отворена во текот на целиот ден со цел да им овозможи да пријават повреда на избирачкото право во вториот круг локални избори.
Хелсиншкиот комитет ќе ги проследи локалните избори преку отворената канцеларија за пријавување на повреда на избирачкото право додека набљудувањето на изборите на терен ќе го оствари преку соработка со невладината организација „Цивил“ која е овластена да врши мониторинг на престојните избори.
Ги охрабруваме сите граѓани, соопштуваат од Хелсиншки, кои сметаат дека нивното избирачко право е повредено да го пријават случајот во канцеларијата на Комитетот.
Доколку не се во можност да дојдат до нашите простории, случаите на повреда на избирачкото право да го пријават до означените набљудувачи на невладината организација „Цивил“ или пак на следниот телефонски број: (0)2 3119 073 или преку интернет следните е-пошти:
Хелсиншки комитет за човекови права на Република Македонија:
helkom@mhc.org.mk
Цивил:
civil.mk@gmail.com
Имајќи ја предвид важноста на уставно загарантираните граѓански и политички права, Хелсиншкиот комитет и невладината организација „Цивил“ упатуваат апел локалните избори да поминат во фер и демократска атмосфера со особено внимание на неповредливоста и тајноста на избирачкото право на сите граѓани.